الخميس، 16 أغسطس 2012

فريدم هاوس..المقال الممنوع. الجزء الثالث




في أول الجزء هذا بش نحاول نجاوب على بعض الأسئلة و التساؤلات الي جاتني بعد الجزئين الي تعداو


فمة شكون قلي : ياسين هذا الكل نعرفوه، إش جبت جديد

نحب نذكر الي أنا مدون موش مخرج سينمائي، أنا نبحث و نلم موش بش نألف و نخترع، و المقال هذا بأجزائه هو محاولة لجمع ما كتب هنا و هناك، موش بش نصنع حاجة من مخي


سليم عمامو كتبلي الي موش هو الي حكالي علي يقراو في سفارة أمريكا، بما أني نستغرب ألزهايمر في عمر 36 باش نقول نسى و بما أنه ما عنديش بلورة سحرية نشوف فيها و ما عنديش منين نوحى بأساميهم (الكلهم لبدو، حتى واحد ما نجم يصك و يقول موش صحيح)،  نستنتج الي شلة المرح نزلو عليه كيفاه صبيت بينا، واحد ما ينجمش ياخو دروس  من السفارة الأمريكانية في راحة من عقلو؟ عاد هانو يسل فيها و بره


فمة شكون قلي بالكشي مدكات، لعبو بيهم و ما يعرفوش
إيه، ممكن، أما الي لعبو بيه توة معادش ينجم يقول غلطوني : يجي يعترف، يفسر، يفضح الكوازي،و يعتذر من الشعب التونسي،أما مدام مزال يقبض و يصب و يسمع في التعليمات: مزالش يقول مدك و ما نعرفش؟ هاذي عمالة مع سبق الإصرار و الترصد

فما شكون جاني  قلي و بره فريدم هاوس عاونتهم و أعطاتهم الفلوس، ماهم ياخذو أما يجبدو بيهم و ما يسمعوش كلامهم
عيشو، خاطر إسمها فريدم هاوس سيدي تاتا، أنا جايبلو أدلة الي هي ذراع و كالة الإستخبارات المركزية،و هو بش يلعبهالي عم الطيب باشا بش يعديها عليهم، مزالت النية


الأستاذ زهير مخلوف مشكور كتب دفاعا على ليليا الوسلاتي و على رحلتها للسويد، على قد ما اوفقته الرأي على الجزء الأول في ما كتب (التعليق موجود كاملا في الجزء السابق) على قد ما نختلف معاه في الباقي : ما فماش قطوس يصطاد لربي سي زهير، و إنجمو ديما نلقاو تبرير و عذر للي مشى يقريو و يوريو فيه

و كمثال، يتحول القنطار من مقاوم، إلى إرهابي، إيه نعم إرهابي





شكون الي قدم سليم عمامو للسفارة الأمريكانية؟



نحكيو مرة على تويتر علنيا، و تجبد الموضوع، و تطرح سؤال : إش يعمل سليم في سفارة أمريكا نهارين قبل نهار على عمار؟
آمنة بن جمعة إتدخلت و قالت (في تويت بوبليك) الي هي الي قدمت سليم للمسؤولين الأمريكان
بصيفتها شنوة؟ الله و أعلم


إيه، و قداش هونت فريدم هاوس على مناضليها و عملائنا؟


السيت هذا 
http://usaspending.gov


يعطي إش صرفت الحكومة الأمريكانية، تره ناخذو مثال ع الطاير تره



في 2011، فريدم هاوس تونس: 1,319,025$ زوز مليارات و ميا و تلاثة و تلاثين مليون، دنوس ينطح دنوس، ناس تعوم و تغطس في الفلوس، إمالة العمالة بلاش هي؟





إلي ضهرتلو التصويرة صغيرة، ينزل عليها توة تكبر و يقرى بعينيه الأرقام الي قدمتها

سليم عمامو لما سؤلوه، ما لعبهاش كيما بعابص الكبار الي في بالها فاهمة و جبد غناية عقلية المؤامرة، و أقر بيد وكالة الإستخبارات الأمريكية في تدريب و تلقين و توجيه المدونين

هام زوز تسجيلات : آمنة بن جمعة تستظيف سليم عمامو، و من بعد سليم يحكي وحدو، ما نيش بش نعمل حتى تعليق على التسجيلات الزوز، كبار و بأمخاخكم و كل واحد يكون رايو وحدو






نواصلو



ليلة راس العام 2010، فريدم هاوس، عن طريق إحدى أقدم أصدقائها في تونس: هويدة أنور، عملت لمة في دار هويدة بمباركة ولد المبروك جمعت فيها جماعة فريدم هاوس و ناس أخرين من دومان التدوينات و الفايسبوك، على أساس حفلة و ألعاب سحرية و توزعت تعليمات الإدارة الأمريكية بضحك و لعب





ثمة حاجة تنجمو تعرفو بيها بعض عملاء فريدم هاوس، أدخلو و شوفو صفحاتهم و مدوناتهم: ما نحكيوش على إسرائيل، ما نجبدوش على القناصة، و نسايسو الذات العمارية

باهي، و سمير ديلو؟


في الصفحة هاذي الي تابعة لموقع فريدم هاوس

http://www.freedomhouse.org/article/human-rights-day-2006-despite-progress-abuses-continue-around-globe


يذكرو إسم سمير ديلو



الي يقرا النص، يلقى الي فريدم هاوس تشيد بيه كسجين سياسي، من غير ما يؤكد أو ينفي علاقته المباشرة بهالمنضمة




في 28 جانفي 2011 كان لي لقاء مع سمير ديلو و واجهتو بالموضوع
التسجيل هاو هنا




 ينكر تماما و قطعيا علاقتو مع فريدم هاوس و يقول إنه مشى شهرين لأمريكا بهدف

 تركيز مركز لمناهضة التعذيب في تونس، شهادتو قدامكم




ثمة فقرة كتبتها في الجزء الأول، هاو بش نعاود نحطها مع مثال باش الي ما صدقنيش، ما عادش يلقى ما يزايد


كيفاش تخدم فريدم هاوس؟



تختار عباد، تمولهم، إتدربهم، تعاونهم، تستغل نفوذها باش تعطيهم الجوائز و تخدمهم في الإعلام و تستعمل ريزواتها باش تلنصيهم و توصلهم لمراكز القرار و التأثير على الناس في الحكومات و الأحزاب و الإعلام و المجتمع المدني : بلوغة أخرى تصنع زعامات تنجم بيهم تأثر على الشعوب



سفيان الشرابي كمثال



قلنا كيفاش؟ تمولهم : سفيان الشرابي يتحصل على أكثر من منحة من فريدم هاوس، وحدة منهم على الأقل ب50.000 دولار أكثر من 80 مليون

إتدربهم؟ السيد عام يقرى صحافة في السفارة الأمريكية، يا بمبك يا بمبك

تستغل نفوذها باش تعطيهم جوائز؟



موش أحسن فايسبوكور، موش أبن مدون، لا لا أقوى صحافي! قاري عامين بعد الباك، يخربش على الفايسبوك.. أحسن صحافي



للي يحب المطالعة، فريدم هاوس و سفيان الشرابي، قصة حب لا تخفى على أحد



http://www.freedomhouse.org/article/freedom-house-hosts-tunisian-journalist

http://www.youtube.com/watch?v=LHe0PdinBTE

http://expression.freedomhouse.org/content/feature/freedom-house-hosts-tunisian-journalist



الي عندو شوية وقت و يحب يوسع بالو، هاي لعبة متع أرديناتور، بلاش، كانت تستعملها فريدم هاوس لتدريب أبطالها

http://fmp.mediaworksit.net/AForceMorePowerful.iso






الجزء الثالث وفى، إن شاء الله الجزء الرابع يكون مخصص لمحسن مرزوق أو كيف تصبح العمالة وجهة نظر

إن شاء الله يكون فيه أكثر تفاصيل، ما حطيتش تفاصيل على سفيان الشرابي في الجزء هذا: زايد ذبحان الجيفة

نختم كيما ختمت باقي الأجزاء

 نتمنى الي صحافي محترف يقوم ببحث أعمق و إنه وكيل الجمهورية يفتح تحقيق في الخيانة العظمى ضد كل من باع بلادو لأجل حفنة دولارات

هناك 17 تعليقًا :

  1. شبيك ما حكيتش على لينا بن مهني ؟؟؟ مع أنها كانت تتردد على أمريكا

    ردحذف
    الردود
    1. tout à fait ! je crois aussi qu'il y a une abstention sur beaucoup d'autres détails et beaucoup d'autres choses...

      حذف
    2. il a déjà parleré de lina et de, tka3rir mouch behi , juste inti tab3ou


      حذف
  2. لينا بن مهني وجلال بريك؟

    ردحذف
  3. اللعب ببلادنا ولّى. لحكاية خيانة للبلاد و الخاين اذا ثبتت عليه التهمة ما ليه كان تطيير الراس

    ردحذف
  4. mdem cha3b yemshi ib kirshou ma yetkallim ken ki jou3 donc yestahil , iwmazel mazel ....

    ردحذف
  5. ياسين، موضوع "فريدم هاوس"، والمنظمات التي تشبهها، موضوع هامّ وحسّاس ويستحقّ فعلا العمل عليه. واضح عندك قدرات جيّدة على البجث والتقصّي، لكن مشكلتك برايي هي انّك مشخصن الموضوع أكثر من اللازم وتستهل اطلاق تهم العمالة والخيانة. مانعتقدش انّ كلّ من تعامل\ت مع قريدم هاوس هو عميل\عميلة او خائن\خائنة. ثمّة ناس تتعامل مع الموضوع بحسن نيّة كبير الى حدّ السذاجة أحيانًا. ثمّة ناس تفتقد لايّ حسّ نقدي وماتراش ايّ تهديد للسيادة الوطنية اللي تعتبرها شعار فارغ وتعتقد انّ التمويل الاجنبي، مهما كان مصدره او خلفيته، مسألة حيوية لبناء مجتمع مدني في تونس.

    للاسف المسائل اللي أثرتهم الفوق تخلّي الناس ممكن تنسى الجوانب الايجابية والهامّة في مضمون ما كتبت، وينطبع عندها فكرة انّك قاعد تبحث عن تصفية حسابات شخصيّة أكثر من ايّ شيء آخر.

    ردحذف
  6. Gassen Ben Khelifa est un désinformateur, (si vous êtes familiers avec l'expression)

    ردحذف
  7. Tous le monde veut prendre sa place : إلي صباب و إلي لحاس و إلي رخيص و إلي مناشد و إلي بوليس سياسي و إلي غشاش و إلي مندس و إلي قلاب و إلي عميل و إلي صهووني و إلي ماسوني و إلي علماني و إلي منافق و إلي دجال و إلي ... إلا من رحم ربي- أهذه أخ
    لاق المسلم؟؟؟ -أبهذه الصيفات يمكننا تكوين مجتمع متماسك متقدم ... مهما حكمته قوانين (هم وضعوها)؟؟؟ فبعد سقوط الدولة للعثمانية آخر رموز القوة الإسلامية حارب أعداء الأمة الإسلام ومكامن قوته العقيدة (بإفسادها وتشويهها) و المجتمع (بإضعافه وتفكيكه و ذلك بنخر أهم أسسه ألا وهي المرأة عماد التربية والأسرة) -هذا ما جنيناه منذ الإستعمار الفرنسي الماسوني الصهيوني و عملائهم البورقيبي والنوفمبري - إناما الأمم الأخلاق إن ذهبت أخلاقهم ذهبوا !!! ربنا افتح بيننا و بين قومنا بالحق و انت خير الفاتحين

    ردحذف
  8. Keep up the good work, amazing investigative capabilities you are providing the proof that they are traitors bought for few bucks (tfooh alihom wa7ed wa7ed).

    Allah m3ak.

    ردحذف
  9. malheureusement la majorité écrasante des tunisiens "fi 7obik darbani" dhay3a fiha bazga :( tandis que ces criminels foutent la merde partout ou ils se trouvent , le dernier incident avec Chourabi résume tout.

    ردحذف
  10. malla 7kaya hathi ... lazemhom yet7akmou w houma deja 99 0/0 men cha3b tounsi yakrahom w yba5er bdamhom le klab

    ردحذف
  11. Le nom n'importe pas le peuple tunisien a le flair.
    Et ghaltouhom ou non. ils sont responsables de leur choix. C connu, le tunisien imout 3Ala safra blach ou formation blach ou yitlannssa fissa3. mich mouhim alach ou kifach ou m3aa chkoun.Ne savent-ils pas que les usa ne chassent les chats pour le bon Dieu!???


    ردحذف
  12. Je n'ai qu'une seule remarque a faire, 'L'homme qui a dit non'. Ca te rappelle rien? t'as causé la mort de jeunes tunisiens a cause de tes mensonges pendant la révolution, comment veux tu qu'on te crois maintenant? el kadheb dima kadheb w man chaba 3ala chay2 chaba 3alyh

    ردحذف
  13. BRAVO YASSINE ET BONNE CONTINUATION

    ردحذف
  14. وما خفي كان أعظم، زيد عليهم أمنة منيف، ومحسن زروق... والقادة جماعة نداء تونس... وشبكة دستورنا...
    ونزيد نعاودعها : كل الجمعيات والمنظمات والمؤتمرات التي تعنى "بحرية" المرأة ومشتقاتها في تونس (النساء الديمقراطيات ومشتقاتها؛ جمعية صوت المرأة، مؤتمر نساء الأعمال، منتدى المواطنة...) ليست إلا أحصنة طروادة لم تخترق إلا الغافلين والغافلات من أبناء وبنات الشعب التونسي "المسلم".

    هذا الصنف المخترق و الذي يمثل "النخبة المثقفة" لا يعرف أنه لا يمثل إلا نفسه، هذا الشق الذي مللنا سماعه في وسائل الإعلام (التي لا تأوي إلا أصحاب هذا الفكر) لا يعرف أنه ليس سوى وسيلة بين أيدي اليهود يوجهه كيفما شاء (طبعا هناك من يسخر من هذا الكلام، فهيثم المكي ونوفل الورتاني قالوا عنه هراء) ، وسيرمى به كالمنديل في السنوات القليلة القادمة.

    ياسين لماذا لا تتحدث عمن يقف وراء فريدم هاوس؟ فهؤلاء الخونة ليسوا إلا بيادق في أيدي اليهود الذين يتحكمون في هذه المنظمة وكل المنظمات العالمية...
    يجب فضح كل عملاء الماسونية في تونس وفضح مخططاتهم..

    ردحذف